Já það er búið að vera ótrúlegt hvað Samfylkingu lá á að losa sig við Sjálfstæðisflokkinn og sögðu forystumenn að ekkert gengi að vinna með Sjálfstæðisflokki því þeir væru of seinir að koma öllu í framkvæmd

Mér finnst alveg ótrúlega furðulegt að ekkert skuli vera gert þegar ný stjórn er komin, og þvílík vinnubrögð að segja skilið við fyrri stjórn því þeir fengu ekki forsætisráðherrastólinn, en þetta sýnir mér ekkert annað en það að þeir vildu komast í sætið og ekkert annað

Lýsi enn og aftur yfir óánægju minni, en auðvitað er þetta gott fólk sem vill vel, en nær ekki að vinna að mér finnst. 

Er enn og aftur óánægð með Seðlabankalögin nýju, þ.e.a.s. að Davíð sé farinn, það var eingöngu Seðlabanka að þakka að gengið var að lagast núna og það er það eina sem búið er að gera fyrir mig í ástandinu. Og ég þakka VG og Samfylkingu ekki fyrir það. Einnig finnst mér þess virði að Björn Bjarnason bendir á að það hafi verið stjórnarskrárbrot að ráða mann sem er ekki ísl. ríkisborgari í Seðlabankastjórastólinn

Kveðja,

Inga Lára 

	Fundað um stjórnarsamstarfið
Ábyrgðarmaður færslu Tilkynna um óviðeigandi tengingu við frétt

Tek undir það sem Birgir Ármannsson sagði í fréttum í kvöld og eins finnst mér þjóðarinnar hagur ekki vera hafður að leiðarljósi með svona vinnubrögðum, heldur er greinilegt að þeim liggur á að koma Davíð í burtu.

Segi aftur að mér leist vel á kallinn í gær !

Kveðja,
Inga Lára

	Seðlabankafrumvarp afgreitt
Ábyrgðarmaður færslu Tilkynna um óviðeigandi tengingu við frétt

.....miðað við deilurnar sem búnar eru að vera í samfélaginu útaf þessu frumvarpi að einhver skuli mæla á móti því að breyta þessu..... þarna er hann að mótmæla því sem stór hluti þjóðarinnar hefur verið að þrýsta á..... og hvað með það þó að honum finnist þetta ? Á ekki að fara að okkar vilja ?

En það kom mér ekki svo á óvart að Pétur Blöndal hafi verið samþykkur, þó hann vilji koma með einhverjar ábendingar..... horfði aðeins á þingið í dag í sjónvarpi og sá hvernig hann tók þokkalega undir málin með Evruna (ekki Evrópusambandið samt) og mér finnst hann vera nokkuð "líbó"

Kveðja,
Inga Lára

	Ræða eftirlaunalögin
Ábyrgðarmaður færslu Tilkynna um óviðeigandi tengingu við frétt

Ég var mjög ánægð með viðtalið við þá Gylfa Zoega og Jón Daníelsson í Kastljósinu í kvöld. Mér fannst þeir einfaldlega vera mjög skýrir, segja mjög vel frá því sem þeir vildu koma til skila..... semsagt viðhorf þeirra að því hvernig bankahrunið kom á og mér fannst þeir fylla (að minnsta kosti) mig að smá bjartsýni. Ég væri mjög ánægð að fá þá í einhverskonar stöður til að vinna okkur út úr kreppunni, þeir eiga sko heima á fleiri stöðum heldur en bara í spjallþætti..... eða mér fannst það

Kveðja,

Inga Lára Helgadóttir

	Vítahringur í peningamálum
Ábyrgðarmaður færslu Tilkynna um óviðeigandi tengingu við frétt

.... að ég tek undir það með Davíð Oddssyni að mér finnst einkennileg vinnubrögð Jóhönnu Sigurðardóttur að sýna þjóðinni bréfið sem hún ætlaði Davíð.

Líka að segja að  ég er hissa þegar Davíð hefur sagst ætla að svara henni eftir helgi að hún tilkynni endurtekið í fréttatímum að hún hafi ekki gefið lengri tímafrest á svari frá honum. Af hverju sagði hún ekki að hann hefði sagst ætla að svara eftir helgi ?

Þessi færsla endurspeglar ekki hvort ég vilji Davíð sem seðlabankastjóra, heldur það hvernig traust mitt til Samfylkingar er að minna, finnst ýmislegt vera eitthvað svo mikill skrípaleikur

Að auki finnst mér bara stórnvöld vera orðin ótrúverðug.... held ég skili auðu í vor !!!

Kveðja

Inga Lára

	Lýsir miklum vonbrigðum
Ábyrgðarmaður færslu Tilkynna um óviðeigandi tengingu við frétt