Vil ekki trúa þessu....

....en það er svona.

Allir sem ég hef hitt á í dag hafa minnst á brunann í Miðbænum okkar. Fólk alveg með kökkinn í hálsinum, sem er ekki skrýtið. Þessi hús sem settu svip sinn á bæinn okkar og hafa blasað við okkur í hvert sinn sem við höfum gengið niður Laugarveginn. Ég átti mjög erfitt með mig að sjá húsin brenna svona stöðugt í sjónvarpinu og virtist vera sem enginn gæti gert neitt, þetta gekk allt svo hægt ( fyrir þann sem situr heima að horfa á tv-ið ).

Vilhjálmur borgarstjóri talar um að gera ný hús þarna í sama stíl og þau sem brunnu, hvernig mun það koma út ? Ég vona það besta, þó það sé of mikið sjokk í mér í rauninni til að sætta mig við að segja það

En eins og kemur fram er talið að hafi kviknað í út frá ljósum, ætti ekki að vera nokkuð auglóst hvaðan bruninn kom, svona um miðjan dag og full starfsemi í gangi í öllum húsunum ? finnst  þetta svolítið skrýtið, en það þarf þó ekki að vera.

 

Talið að eldurinn hafi kviknað út frá ljósum í söluturni

Athugasemdir

[Steingrímur Helgason, 19.4.2007 kl. 00:36]

Ég er alveg viss um það að ef að Villi hefur sagt þetta þá verður flutt inn alveg eldgamalt fúið timbur í það að endurbyggja þessi hreysi sem að hefðu nátturlega ekki átt að fá leyfi til veitínga eða verslunarstarfsemi í núverandi ástandi með tilliti til brunavarna.  Þú veist nú líklega að ég hef gripsvit á þessum málum, shysta mín & ef að eitthvað væri rétt, þá væri það að steikja núna Brunamálastofnun ríkisins fyrir að sinna ekki sínu starfi.  En það væri nú alveg í fyrsta skipti sem að einhver eftirlitsstofnun ríkisins væri látin sæta ábyrgð.

S.

[Inga Lára Helgadóttir, 19.4.2007 kl. 00:52]

Alveg sammála, þar sem er mikil hætta á því að vera með veitingar. þar sem eru mikil óhreinindi og fita, þá er alveg fáránlegt að hafa þetta þarna, ...... eins og á skemmtistaðnum, ef einhver hefði misst glóð þá bara hefðu allir staðið undir berum himni allt í einu