Aðeins að láta í mér heyra hér !!!!!!

Það er eitt sem getur gert mig frekar reiða og það er það umhverfi sem syni mínum og fleiri börnum á leikskólanum Hólaborg í Breiðholti er boðið upp á.

Mikið var talað um á tíma Samfylkingarinnar í Reykjavík að ekkert væri gert fyrir Breiðholtið, en ekki get ég sagt að það sé eitthvað betra í dag, allavega ekki hvað börn okkar varðar og öryggisatriði í þeirra umhverfi og tel ég að börnum okkar sé boðið upp á miklar hættur í umhverfi sínu.

Á leikskóla sonar míns mætum við alla morgna virka daga. Það fyrsta sem við sjáum er hve illa farin gangstéttin er, eins og einskonar öldugangur. Holur í gangstéttinni og brotnir tréstaurar standa upp úr veginum þar sem áður var gömul griðing. Semsagt aðkoman á leikskólann er algjör slysahætta fyrir bæði börn og aðra sem þar ganga um. Auðvelt fyrir lítlu krílin sem hlaupa um í sakleysi sínu að fella sig á einum stauranna eða á þeim sprungum sem liggja eins og gildrur um alla gangstétt.

Á leikskólalóðinni að innanverðu, þar sem börn eru að leika á daginn, þar eru misfellur í gangstígum, holur í grasflötinni og lóðin er meira og minna slitin og illa farin og börnunum er virkilega boðið að leika sér á slíku hættusvæði. Sumstaðar er grasið alveg ónýtt og leiksvæðið þar sem túnin eru eru því alveg eitt drullusvað.

Fóstrur leikskólans eru mestu yndi sem ég veit um og líður syni mínum mjög vel hjá þeim og hann hlakkar til að mæta næsta dag í leikskólann. Hann á þarna góða félaga að leika við og megum við vera þakklát með að hann skuli hafa svona gott á leikskólanum...., en vanrækslan er borgaryfirvöld bjóða leikskólanum upp á er svívirðileg og til háborinnar skammar og er ekkert hægt að afsaka það hvernig komið er fram við þessi litlu kríli sem vilja fara út og leika sér. 

Þetta er að mínu mati forgangsatriði og verð ég að lýsa því yfir hversu reið og óánægð ég er með þessa vanrækslu af höndum Reykjavíkurborgar á syni mínum og fleiri börnum og ættu þeir sem þessum málum þar sinna að skammast sín !!!!

Ég er mjög reið fyrir hönd barnanna og ég veit að margir foreldrar eru það líka þar sem þeir hafa haft orð á því við mig og þarna er verið að bjóða syni mínum upp á hættulegar gildrur og hann sonur minn er algerlega í forgang hjá mér.

Ætli eitthvað yrði nú ekki gert ef umhverfi ráðhússins væri svona slæmt, þeir eru fljótir að kippa öllu í laginn hjá sér .......... 

Kveðja,

Inga Lára Helgadóttir 

Athugasemdir

[Steingrímur Helgason, 30.9.2007 kl. 22:21]

Iss, já, það er ljótt að sjá & heyra hvað framsóknarhömmerinn kúgar ykkur flokkshystkinin í borgarstjórn.

Maðurinn klárlega bara kann sig ekki, fyrst að hann nennir nú ekki að laga einhverjar gangstéttir fyrir sjálfstæðar konur

[Inga Lára Helgadóttir, 30.9.2007 kl. 22:29]

O Steini minn, þú hefur svo gaman af þessu, alveg hreint elskar að bauna á mig ..... en það er allt í lagi, ég elska þig og mun alltaf gera það , ertu enn í bænum ?

Kveðja Inga 

[Steingrímur Helgason, 30.9.2007 kl. 22:49]

Jamm ezzgan, & þetta er náttla bara bændadurgnum að kenna. Vona að þú sért samt ekki hrygg í bragði eftir þennann fína hrygg hjá Pabba í gær.

S.

[Haraldur Haraldsson, 30.9.2007 kl. 22:57]

Þetta eru orð i tima töluð Inga Lára/við látum i okkar heira!!!!!!/Kveðja Halli Gamli

[Þórður Ingi Bjarnason, 30.9.2007 kl. 23:44]

Ég var á Hólaborg þegar ég var í leikskóla og ég held að ekki sé búið að gera mikið við lóðin og umhverfið á undanförnum árum.  Þegar ég kom þangað síðast það eru nokkur ár síðan þá var mamma að vinna þarna þá fannst mér lóðin farinn að láta mikið á sjá.  Þetta eru hlutir sem verða að vera í lagi.

kv

Þórður Ingi