Hlustaðir þú á þáttinn í um klukkan 08:00........?

ég var að hlusta á útvarpið á leið í skólann í dag og þar voru þau Gassi og Sigga og hinn sem er lika svo skemmtilegur að tala um skottulækningar og hvað það sé. Ég hlusta einmitt alltaf á þennan þátt á leiðinni í skólann og er hann fínn til að vakna upp á morgnanna.

Í dag var þátturinn reyndar svolítið þungur, þar sem áheyrendur voru farnir að ræða um læknamistök á sjúkrahúsinu í Keflavík og einnig varðandi Læknavaktina í Smáranum.

Þeir sem kvörðuðu undan sjúkrahúsinu í Keflavík kölluðu sjúkrahúsið gjarnan sláturhús og fór þá verulega fyrir brjóstið á mér. En þó það sé ótrúlegt, þá hef ég sem bý í bænum heyrt þess getið að fólki þar sé oftar en annarsstaðar ekki vel sinnt. Ég bjó þar eitt sinn sjálf í eitt og hálft ár og varð tvisvar að fara til læknis á þeim tíma og fekk samasem enga þjónustu, en sem betur fer þá var nú ekki neitt mikið að hjá mér í þau skiptin. En það var rosalegt að heyra sögurnar af sjúkrahúsinu og þarna voru einstaklingar að tjá sína eigin reynslu.

Reyndar hef ég meiri reynslu af læknavaktinni í Smáranum og get ég sagt eftir að hafa þó nokkuð oft farið þangað með son minn að ekki hafi ég orðið vör við mikla fagmennsku í vinnubrögðum þar.

En málið er samt að hvort sem við erum á læknavaktinni eða á sjúkrahúsinu í Keflavík eða annarsstaðar, þá er misjafn sauðurinn meðal fólks. En þessar fréttir voru mjög sláandi og leiðinlegt að heyra og vona ég að þetta sé nú einhverjar ýkjur þarna inn á milli.

Varð að deila þessu með ykkur, þetta tók rosalega á að hlusta á þetta

Kveðja Inga Lára Helgadóttir 

Athugasemdir

[Þórður Ingi Bjarnason, 2.10.2007 kl. 20:37]

Ég hef ekki mikla trú á læknum.  Þegar sonur minn var 1.árs þá fékk hann mikinn hita.  Ég fór með hann á læknavaktina í Hafnarfirði og mér var sagt að þetta væri flensa sem hann myndi losna við eftir 3.daga og ekkert væri hægt að gera.  Þegar liðinn var vika og hittinn lækkaði ekki fór ég aftur með hann til læknis var þá búinn að tala við hann í síma áður.  Ég fékk sama svar  bara slæm flensa.  Svo var hitinn svo mikill að hann fékk krampakast og missti andan.  Þá fór hann með sjúkrabíl á landspítala hann var skoðaður en ekkert kom út bara mikill hiti og eðlilegt að lítil börn fái krappa þegar hitinn er hár, okkur var sagt að bíða þar sem þetta hljóti að fara ganga yfir.  Þegar hann var búinn að vera með hitta meira og minna í 3 vikur og í þriðju viku var hitinn orðinn 40°c þegar hann vaknaði þá hafði ég samband við landsítalan og vildi að hann færi í rannsókn.  Mér var sagt að ég gæti ekki komið með hann nema að læknir sendir hann.  Ég var frekar reiður og sagi að ég ætlaði að koma með hann því þetta væri ekki eðlilegt.  Sá sem ég talaði við sagði að ég yrði að fá læknum fyrst til að meta hvort nauðsýnlegt vær að fara með hann í nánari skoðun.  Ég sætti mig ekki við þetta og sagði að ef ég mætti ekki koma með hann þá kæmi hann í sjúkrabíl.  Mér var neitað að koma með hann sjálfur svo ég kallaði á sjúkrabíl.  Þar sem 1.árs barn kom með sjúkrabíl þá tók barnalæknir á mót stráknum inn á landspítala.  hann leit á strákinn og sagði þessi þarf að fara strax í röntgen.  Eftir smá stund kom í ljós að þessi smá flensa var mikil lundabólga sem hann var búinn að vera með í 3.vikur.  Nú er hann 12 ára og ef honum verður kalt þá fær hann launabólgu en það versta er að hún finnst ekki við hlustum svo ég þarf alltaf að óska eftir því að hann sé myndaður.  læknar trúa mér ekki strax en ég þegar ég seigi þeim að skoða hans skírslur þá samþykja þér þetta strax. 

Eftir þetta tek ég takmarkað mark á læknum og allt sem þeir seigja tek ég með fyrirvara.

kv

Þórður Ingi

[Inga Lára Helgadóttir, 3.10.2007 kl. 17:57]

Þetta er rosalegt sem þú segir fá Þórður Ingi og við höfum eflaust bæði heyrt mörg dæmi sem eru mjög alvarleg, en þetta er alveg hræðilegt og að læknar skuli ekki allir sinna starfi sínu sem skyldi, það er hrikalegt

Kveðja til þín Þórður Ingi,

Inga Lára Helgadóttir