Ber enginn ábyrgðina ???

Mér verður hugsað til þess þegar ég sé núna í fjórða sinn á stuttum tíma, bruna í móanum á milli Bakkahverfis og Vesturbergs í hverfinu mínu Breiðholti, hvort einginn eigi að bera ábyrgð á því sem gert er ?

Ég man eftir því þegar ég bjó nær miðbænum, þá var gjarnan veggjkrot og fleira í gangi. Hér er mói og því tilvalið að kveikja í

Nú segja lögin til um að börn undir fimmtán ára aldri séu ósakhæf og er ekkert hægt að refsa þeim fyrir að gera rangt. Nema í raun að þurfi að fjarlægja þau af heimili sínu ef foreldrar eru ekki í ástandi til að ala upp börn.
En er ekki í lagi að lofa foreldrum að bera ábyrgð á börnum sínum, að lofa þeim að greiða hluta þeirra kostnaðar sem skemmdarverkin hafa í för með sér ? Að gera foreldra ábyrga og lofa þeim að hugsa um að þeir þurfi virkilega að siða og aga börnin sín til ? ....eða á ríkið bara alltaf að borga brúsann ?

Mér finnst sjálfri í lagi að koma upp sektum við íkveikjum, veggjakroti og fleiru og væri það þá verk foreldra ósakhæfðra barna sem mættu greiða þá fyrir skemmdarverk barna sinna. Væri ekki í lagi að sjá hvort eitthvað mundi lagast ?

Ég vil um leið taka það fram að ég þekki helling af börnum og unglingum og flestir úr þeim hópum alveg prýðiseinstaklingar, en svo er inn á milli einstaklingar sem þyrfti aðeins að grípa í taumana á og er þetta hugmynd mín til þess. Annað... þá vil ég taka það fram að leiðinleg og neikvæð umræða um unglinga getur skapast út frá svona verknaði og er það leiðinlegt þar sem manneskjur í þessum aldurshópi eru jafn mismunandi eins og fólk á öllum öðrum aldri.

Bestu kveðjur,

Inga Lára Helgadóttir

Athugasemdir

[Haraldur Haraldsson, 20.5.2007 kl. 23:31]

Inga Lára það ætti að byggja þarna Ibuðir og ekkert annað,þetta er ekki til annars þetta svæði við skulum koma þessu að!!!!Kveðja Halli Gamli

[Bragi Þór Thoroddsen, 2.6.2007 kl. 09:25]

Foreldrar bera ábyrgð á börnum sínum allt þar til börn bera ábyrgðina sjálf, hefur ekkert með sakhfi að gera ef um er að ræða eignir.  Þetta reyndar veltur á því hvort eftirliti með börnum er ábótavant, hversu gömul þau eru og fleira til. 

vcd