Loksins einhver viðurkenni DV blaðamann brjóta siðareglur....

Það er alveg ótrúlegt hvað mér og mörgum þeim sem ég hef rætt við, finnst blaðamenn DV oft vera siðlausir og ósmekklegir.

Mér finnst hinsvegar slæmt þar sem blaðamenn DV hafa komist upp með allt of mikið. Ég get tekið sem dæmi þegar þeir fjalla um glæpi sem hafa verið framdir og dæma ákveðinn geranda í málinu áður en búið er að dæma í viðkomandi máli. Að dæma mann sem sakamann er glæpur að mínu mati og kemur einnig fram í siðareglum Blaðamannafélags Íslands að blaðamaður eigi ekki að fella dóm á einstakling í blaði fyrr en búið er að dæma í rétti í viðkomandi máli.

Ég hafði eitt sinn samband við blaðamann þar sem mér og fleirum var misboðið á ógeðfelldan hátt, en í því tilfelli var verið að kalla einstakling morðingja án þess að búið var að dæma hann sem slíkan.

Blaðamaðurinn sagði við mig í símann að honum væri sama hvað mér eða öðrum finndist og vildi gera spennandi frétt. Þegar ég spurði hvort hann væri tilbúinn að ganga þetta langt þó að þetta færi illa í marga einstaklinga og eyðinlegði mannorð, þá sagðist honum vera sama og vera sama um hvað mér finndist. Þessi einstaklingur var hjá DV og ég sá nokkrar fréttir eftir hann síðan þá. Hef kallað DV "sorpritið" síðan.

Æi, varð aðeins að tjá mig hér um þetta

Bestu kveðjur til ykkar kæru bloggvinir,

Inga Lára

Blaðamaður DV braut siðareglur

Athugasemdir

[Jón Freyr (IP-tala skráð) 8.11.2007 kl. 20:00]

Þú segir: Ég get tekið sem dæmi þegar þeir fjalla um glæpi sem hafa verið framdir og dæma ákveðinn geranda í málinu áður en búið er að dæma í viðkomandi máli.

Mér þætti gaman að sjá dæmi frá þér. Það er stefna DV að birta ekki nöfn nema viðkomandi hafi verið dæmdur. Í undantekningartilfellum ekki ef viðkomandi hefur verið handtekinn fyrir alvarlegt lögbrot og blaðið hefur fengið staðfestingu á hver var að verki. Dæmi um það má nefna innflutningin á fíkniefnunum á Fáskrúðsfirði í september. 

Þú verður að athuga að DV í dag er ekki það sama og fyrir ári síðan eða tveimur. Það eru aðrir eigendur, aðrir ritstjórar og aðrir blaðamenn. Fólk virðist gleyma því í sífellu. 

[Þórður Ingi Bjarnason, 8.11.2007 kl. 20:22]

Dv er sorprit ekkert annað.  Þeirra blaðamennska er ekki góð hún var verri fyrri 1-2 árum en hún hefur ekki lagast mikið.  Allar þær fréttir sem ég sé í Dv tek ég með fyrirvara. 

[Inga Lára Helgadóttir, 8.11.2007 kl. 21:19]

Jón Freyr, ég er ekki að fara að nafngreina fólk sem hefur verið dæmt af DV áður en viðkomandi var dæmdur sekur fyrir það sem hann gerði. Mér finnst það alveg eins siðlaust að biðja mig hér að nafngreina hann sem ég er að tala um í þessu dæmi mínu.

Eina sem ég var að segja var að ég hafði reynslu af þessu sjálf.

Tek undir með þér Þórður Ingi takk fyrir kommentið

Kveðja,

Inga Lára 

[Steingrímur Helgason, 8.11.2007 kl. 23:45]

Já sko, þá þigg ég heldur mitt niðursoðna moggeríis málgagn daglega.  Þar eru sko vönduð vinnibrögð & réttar skoðanir.  Annað en mánudags Déwaffið em að fylgir frítt með Sýn II mér til óblendinnar skemmturnnar í ógleði minni.

Lengi lifi hin eina rétta frétt í réttu blaði.

[Halla (IP-tala skráð) 9.11.2007 kl. 15:19]

Ég er alveg sammála þér með að margt hefði betur mátt fara hjá DV í gegnum tíðina en hitt finnst mér alvarlegra mál að við skulum gleyma því hvað DV hefur gert gott fyrir okkur líka. Má þar nefna handrukkaramálið fræga og umfjöllun þeirra um barnaníðinga. Ég hef heyrt því fleygt af mér fróðari mönnum og hljómar það alls ekki ósennilega að myndbirtingar af barnaníðingum sé lang áhrifaríkasta leiðin í að veita þeim þjóðfélagslegt aðhald eins og okkur ber að gera. DV er eini fjölmiðillinn sem það hefur gert að einhverju ráði og ég sem foreldri virði þá fyrir það.

Mér finnst ekki hægt að kalla DV sorprit, en ég hika ekki við að kalla lesendur þess í gegnum tíðina hræsnara.

En mikið er nú gott að við séum ekki alltaf öll sammála :) Þurfum að fara að heyrast sem fyrst.

Knús !!