Óvænt og skemmtileg stefna í lok sumarfríssins :)

Já, við fórum þessar tvær utanlandsferðir eins og ég er búin að skrifa um, en síðasta mánudag, þegar við sonur minn vorum orðin frekar pirruð að hafa ekkert að gera þá datt mér sú snilldarhugmynd í hug að hafa samband við bróður minn sem býr fyrir norðan. Ég hringdi í hann og við vorum lögð af stað um þremur korterum síðar. 

Við komum til þeirra klukkan 21 um kvöldið. Tekið var auðvitað vel á móti okkur, með logandi grill og notalegri stemmningu. Svo vel var tekið á móti okkur að Sæþóri Helga syni mínum var strax farið að líða eins og heima hjá sér og það er sko ekki hægt að segja það oft um hann. 

Sonur minn og sonur bróður míns náðu alveg rosalega vel saman og hefur mikið verið talað um frænda sinn á mínu heimili síðan við komum heim og það hafa allir sem hana hitt Sæþór Helga fengið að heyra að hann eigi sko skemmtilegt frændfólk sem býr langt uppi í sveit.
Þeir gátu leikið sér saman allan tímann, þá með bíla og fleira dót og þeim leiddist ekki eina mínótu.

Við gerðum margt skemmtilegt, fórum til Akureyrar og fengum okkur Brynjuísinn, sem á víst að vera ómissandi, en ég náði samt ekki alveg hversvegna það er. Við skoðuðum vinnustað mákonu minnar og rúntuðum um og kíktum í búðir. Alveg ótrúlegt hvað mér finnst Akureyri alltaf vinalegur bær.

Við skoðuðum auðvitað Dalvík líka og fórum þar í sund. Sundlaugin þar er mjög fín og mæli ég með henni fyrir þá sem eiga þar leið um og ætla sér að fara í sund. Svo er sundlaugin í Hrísey sem er alveg brillant, en við fórum þangað með báti og áttum brot úr degi þar í eynni.

Ferðin var alveg ótrúlega vel heppnuð, það er líka svo rólegt fyrir norðan að maður kemur alveg endurnærð til baka. Svo lét bróðir minn mig sko ekki svelta á meðan ég var í heimsókn og á lokakvöldinu fekk ég meira að segja humar, sem mér finnst alveg hræðilega góður.

Þið munuð getað séð myndir strax eftir helgi á www.barnaland.is/barn/25924 

Kveðja til ykkar,

Inga Lára Helgadóttir 

Athugasemdir

[Magnús Geir Guðmundsson, 18.8.2008 kl. 19:11]

hahaha, Hauganesið er einmitt mjög laaaaaangt upp í sveit!

Gaman af þessu!

En ekki vera með efasemdir um Brynjuísinn, færð hvergi betri ís auk þess sem Akureyri er FALLEGASTUR bæja!

[Brynja skordal, 21.8.2008 kl. 00:09]

Gaman að fara í svona skemmtilega og góða ferð og heimsækja sitt fólk hafðu það gott ljúfust

[Þórður Ingi Bjarnason, 21.8.2008 kl. 07:14]

 Gaman að heyra að þið hafið skemmt ykkur vel á norðurlandi

Ég get verið sammála þér með Brynjuísinn hann er ekki eins góður og sagt er.  Það er búið að telja fólki trú um að þetta sé besti ís á landinu. 

[Steingrímur Helgason, 22.8.2008 kl. 22:09]

Brynjuísinn er einz og flezt innferðiz...

Ofmetið & útþynnt!

Já, þú mátt koma aftur...